Өлең, жыр, ақындар

Некесіз-ақ басыма бақ қондырған

  • 19.09.2021
  • 0
  • 0
  • 297
Некесіз-ақ басыма бақ қондырған,
Жүрегімді үнсіз ойға шомдырған.
Ізгі нұрдан жаралғандай дидарың,
Періштенің өзін естен тандырған.
Дәм татқызар жұмақтағы жемістен –
Артық емес сенен сірә періштең.
Ұмыттырдың қырық жылғы қайғымды,
Қырық өрім шашты қызбен сеніскен.
Қырық қызды сүйген екем ұнамды,
Қырық қызға айттым жырмен дұғамды.
Айналайын соның бәрін білсең сен,
Ешқашанда кешпес едің күнәмді.
Кінәлімін,
Қайтем жүрек көнбесе,
Тәтті дәмнен татқысы кеп шөлдесе.
Көзіңе енді шөп салмауға сөз берем,
Қырық күндік той жасайық ендеше.
Жаным сені ақын мәңгі сүйсінші,
Қырық шырағыңа жүрек күйсінші.
Қажеті жоқ пенделердің біздерге,
Некемізді періштелер қисыншы.



Пікірлер (0)

Пікір қалдырыңыз

Жазу

  • 0
  • 0

Жазудан кім опа тапқан жалғанда,
Біле тұра мен де жаздым өлеңді.
Арманымды жалғап жүрмін арманға,
Айлағынан айырсам да кемемді.

Толық

Аумай қалған ақсұңқар баласынан

  • 0
  • 0

Аумай қалған ақсұңқар баласынан,
Айналайын көзіңнің қарасынан.
Жанымның дұғасындай болып кеткен,
Көңілді елжіретіп саласың ән.

Толық

Шаһарда біздің сұлу бар еді

  • 0
  • 0

Шаһарда біздің сұлу бар еді,
Адам біткенді шайыр қылатын.
Жанарындағы жылу да әдемі,
Мейірім сыйлар қайырлыға тым.

Толық

Қарап көріңіз