Өлең, жыр, ақындар

Ауыр жолды таңдағам, жеңіл жолда бақыт жоқ

  • 20.09.2021
  • 0
  • 0
  • 886
Ауыр жолды таңдағам, жеңіл жолда бақыт жоқ,
Аламанда алаңсыз керілуге уақыт жоқ.
Жеңіл жолмен жүргенді Жаратқанда кешпейді,
Қараша үйде жаққан от көкіректе өшпейді.
Жеңіл жолдың бойында өсімдіктер өспейді,
Жеңіл жолдың аруы көкейіңді теспейді.
Кейде рас қабат кеп шың - құздары бұралаң,
Тірек таппай таянар жалғыз қалып жылағам.
Қара дауыл соққанда тәлтіректеп сүрінгем,
Қара тасқа қан жұққан табанымнан тілінген.
Кейде маған дес бермес қиындықтар ұнаған,
Тұра алмастай сүрініп құздан ұшып құлағам.
Мұң шақпайтын боп алдым жатсамдағы етпеттеп,
Қасарысып айтпадым жақынға да кеп кет деп.
Мені мәңгі аяулым ар - ожданым күзеткен,
Қара жолдан сұрарсың ары-бері жүз өткен.
...Ауыр жолмен қапталдас жеңіл жолдар жатады,
Сол жолменен кеткен көп, осы маған батады.



Пікірлер (0)

Пікір қалдырыңыз

Үзеңгілес

  • 0
  • 0

Жастық шаққа көрік болған Ғалекем,
Жақсыларға серік болған Ғалекем.
Біздің мынау Ғалекеңдер нар екен,
Қатар шабар үзеңгілес бар екен.

Толық

Шулаған ауыл

  • 0
  • 0

Шулаған ауыл,
шыққанда жырым алғашқы,
Мазақ қып бәрi қызарып кеткен Қарғашты.
Отызға толдым,

Толық

Қалжырағам бiр ойдан соң бiр ойдан

  • 0
  • 0

Қалжырағам бiр ойдан соң бiр ойдан,
Алданған соң
жалған жылы шырайдан,
Ұмыттыңдар арманы асқақ ақынды,

Толық

Қарап көріңіз