Айсұлу Рүстемова‎

Третьяков галереясында

Бұл бетте «Третьяков галереясында» атты Айсұлу Рүстемова‎ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

25.11.2015
0
0
2146

Пана таппай
Тәкәппар паң қаладан,
Жүректердің
Шеріндей тарқамаған.
Суретші деген
Халықтың өмірі бұл,
Үнсіздіктің
Азабын арқалаған.
...Қоғамы бар,
ол көздер анталаған.
Кербездейін
Баса алмай шалқалаған.
Көзі тұнған
Көркемдік. Көрікті ойы.
Бұларда еш
ісі жоқ қалталы адам.
Бейнеленген
Санамен дауыл, далаң.
Жан дүниеңе
Ізгілік шамын жағар.
Сурет салып
өтеді ол. Өмірде де
Дүниені
әз қалпы қабылдаған.
Пана таппай
Тәкәппар паң қаладан,
Жүректердің
Шеріндей тарқамаған.
Суретші деген
Халықтың өмірі бұл,
Үнсіздіктің
Азабын арқалаған...

Третьяков галереясында Айсұлу Рүстемова‎ Айсұлу Рүстемова‎ өлеңдері

Пікірлер (0)

Пікір қалдырыңыз

Жиі қойылатын сұрақтар