Несіпбек Айтұлы

Сәукеле тағып аспаның

Бұл бетте «Сәукеле тағып аспаның» атты Несіпбек Айтұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.09.2021
0
0
1365

Сәукеле тағып аспаның,
Жұлдызың жамырағанда,
Құпия сезім астарын
Ашпағын, жаным, адамға.
Уақыттан қашан озды адам,
Тартады жылдар тереңге.
Ақ бота бұлттар боздаған,
Айналып жүрсе төбеңде:
Тіле сен көктен ақ жаңбыр,
Сағыныш сазы тозбасын.
Тереңде бұғып қалған бір
Толқындарыңды қозғасын.
Бастаудың жұттың мөлдірін,
Мөлдіреп өзің тұрардай.
Алыстау кеттім мен бүгін,
Артыма мойын бұра алмай.
Қарайлап қайтқан жыл құсын,
Ән салып тауды жаңғыртып,
Жолымды күтіп жүрмісің,
Тербеліп талдай жалғыз түп?!

1973

Несіпбек Айтұлы сәукеле тағып аспаның Несіпбек Айтұлы өлеңдері

Пікірлер (0)

Пікір қалдырыңыз

Жиі қойылатын сұрақтар