Өлең, жыр, ақындар

Ақкөлдегі алтыбақан

  • 26.11.2015
  • 0
  • 0
  • 2327
Ажар Сейтеноваға

Ақкөлдің жағасында алтыбақан,
(Сәнімен сауық құру халқыма тән).
Атанып ақын, әнші неге керек,
Осындай кездерде бір шалқымасаң!..
Мекені айдын көл мен жасыл құрақ,
Ащулар сұңқылдайды басын құрап.
Дауысы Жалпақталға жетіп жатқан,
Қырық қыз, қырық жігіт басым бірақ.
Бұл өңір ала жаздай тық тұр еді,
Сауықшыл жандарменен бір түледі.
Жайқалған көк шалғынга әтір сеуіп,
Бір керім жылы жаңбыр сіркіреді.
Ошақтың мұржасынан от өріліп,
Жалынын ерке самал кетеді іліп.
Ән менен жыр кернеген киіз үйдің,
Түндігі жатыр жиі көтеріліп.
Мәңгілік бұл жалғанда тұрмас адам,
Көңілін тербеткендер сырлас оған.
Өмірден бізден бұрын өткендер де,
Осындай сауықпенен бір жасаған.
Кім қандай? Алақанға салып беріп,
Тұрады бәрі-бәрін халық көріп.
«Алтынның қолда барда қадірі жоқ»,
О бастан өнерліні дәріптелік!



Пікірлер (0)

Пікір қалдырыңыз

Дендер

  • 0
  • 0

Қай Дендер, мына Дендер, Дендер, Дендер,
Алдыңнан құба бел боп көлденеңдер.
Жайықтан aт суарып, бір желпінді-ау,
Жорықтан жау түсіріп келген ерлер!

Толық

Кетсем алып...

  • 0
  • 0

Сағынған күнін санап асқан айдың,
Ұлыңда жоқ өзіңнен басқа уайым.
Жүрсем де жұмыр жердің қай шетінде,
Ойымнан сені екі елі тастамаймын.

Толық

Ұстазыма

  • 0
  • 1

Шәкірт едім кеудем толы күш-жалын,
Алға тартқан арман жолын нұсқадың.
Кете бардым жүрегіңнен от алып,
Келдідағы бір өзіңе ұқсағым.

Толық

Қарап көріңіз