Өлең, жыр, ақындар

Топырағың торқа болсын

  • 26.09.2021
  • 0
  • 0
  • 1385
Топырағың торқа болсын, өлген сөз бен өлген ой,
Әуел бастан тағдыр жазған орның сенің көрде ғой.
Тіршіліктің тік қазығы қызыл тілге мызғымас,
Жанталасып жармасқанмен бұл фәниге пенде өгей.
Ардан безген алапестер иман тілеп Алладан,
Жалт бұрылып бас қойысты қыбылаға жалма­жан.
Ақкөт торғай әр төбеде іннің аузын күзеткен,
Қысқа күнде қырық сатып, қайда ұясын салмаған?
Қарғыс атқыр антұрғанды Тәңір өзі кешірсін,
Миғұла мен малғұнның да мәртебесін өсірсін!
Жерден тажал бас көтеріп, көктен зауал төнбесе,
Жүрегімде маздап жанған отыңды кім өшірсін?!.



Пікірлер (0)

Пікір қалдырыңыз

Сарықыз

  • 0
  • 0

Сөз қалған жайсаң менен жақсылардан,
Қобызда сарын қалған бақсылардан.
От ауыз, орақ тілді бабалардың
Жері жоқ өлең-жырға тапшы болған.

Толық

Өліара

  • 0
  • 0

Қайдасың сен, дірілдеген аппақ сүттей ай нұры,
Алтын сәулең неге аспанның аясынан айныды?
Кең жаһанға шырақ жаққан ажарыңнан адасып,
Қараңғылық құшағында қалған дүние қайғылы.

Толық

Клара жеңгейге арналған жыр

  • 0
  • 0

Жігіттің адал болса асыл жары –
Бақыты маңдайының ашылғаны.
Мінеки, елу жылға жуықтады,
Жарқырап екі жақсы қосылғалы.

Толық

Қарап көріңіз