Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Несіпбек Айтұлы

Туған жер

Бұл бетте «Туған жер» атты Несіпбек Айтұлы жазған туған жер туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

26.09.2021
0
0
2050

І
Көзімде тұнасың
Жас болып мөлдіреп.
Алдымнан шығасың
Анамдай елжіреп.
Аяулы сезімсің,
Ешкімге қимаған.
Туған жер, өзіңсің
Өмірді сыйлаған.
Бәрі де есімде
Балалық шағымның.
Ойнаған төсіңде
Күндерді сағындым.
Жетемін елесің
Шақырса бұлдырап.
Аңсаған енесін
Құлындай құлдырап.

ІІ
Өзіңсіз күнім күн бе екен,
Өзіңсіз түнім түн бе екен?
Тауыңда өрген киіктің
Тұяғы бүтін жүр ме екен?
Өзіңмен ғана нұрлы екем,
Өзіңмен ғана құнды екем.
Көгіңде ұшқан құстардың
Қанаты бүтін жүр ме екен?
Ай ма екен, әлде жыл ма екен,
Айналып саған бір жетем.
Төсіңде жүрген бауырдың
Бауыры бүтін жүр ме екен?

Несіпбек Айтұлы туған жер Несіпбек Айтұлы өлеңдері

Пікірлер (0)

Пікір қалдырыңыз

Жиі қойылатын сұрақтар