Өлең, жыр, ақындар

Қадырға

  • 27.09.2021
  • 0
  • 0
  • 663
Сен сыналдың,
бір апта
ойлап жүрдің сол жайлы.
Сені сынар бірақ та
жиын — күнде болмайды.
Сүймесіңді — жолатпа,
жалғыз-ақ қал сен мейлі.
Көп ішетін қонақ та
күнде саған келмейді.
Шыдау — сенің міндетің,
бұлшық ет боп пісіп, қат.
Жақсы бастық күнбе-күн
жатқан жоқ қой түсіп қап?!
Аңырма, Ақыл, түңілме, Ес,
Қайғы ойлама, қайран Бас:
күнде тұлпар сүрінбес,
есек күнде бәйгі алмас.
Бұ да қызық шақ шығар
сүлгі айтса ту жайлы...
Күнде өлмейді жақсылар,
жаман — күнде тумайды.
Сөйледі деп бір шірік
керегі не күрсініп.
Жаман емес тіршілік,
жаман емес тіршілік!



Пікірлер (0)

Пікір қалдырыңыз

Күйе

  • 0
  • 0

Екі бала келді маған бір күні:
От бүркеді біреуінің кірпігі,
біреуінің жанарына жас тұнған,
екеуі де асқынған.

Толық

Ірге

  • 0
  • 0

Кеудем — бір үй:
Іші — дауыл,
сырты — дау,
күні-түні бір бұрқырау,

Толық

Жарты шыбық

  • 0
  • 0

Тәңірінің нар кезі екен ол кезде,
Әмірінің бар кезі екен ол кезде.
Тек алуға барады екен бәр-бәрі,
Ол кезде де алу екен мына жұрттың арманы.

Толық

Қарап көріңіз