Өлең, жыр, ақындар

Сағатты сағынамыз

  • 03.10.2021
  • 0
  • 0
  • 699
Алтынның қадірі жоқ қолда барда,
Осыдан опық жедік әр заманда.
Жақсысын қолдай алмай, қорғай алмай,
Сорлады біздің қазақ сорлағанда.
Түсті де Желтоқсанда ойран отқа,
Сағат та жанып кетті ойда жоқта.
Жылындай отыз жеті үнсіз қалып,
Оны да бергендейміз байлап оққа.
Құдай­ау, қорлық еді бұл не деген?!
Қолқаңды суырса да үндемеген.
Қой да бір, қазақ та бір болды кеше,
Шетінен қасқыр сүйреп күнде жеген.
Тағдырдың толқынында аласұрған,
Сағаттай айырылдақ сан асылдан.
Кернеген қасіретке шыдай алмай,
Жарылды жүрегі оның шарасыздан.
Жоқ енді сағынғанмен Сағат бізге,
Күреспен өткен ғұмыр сабақ бізге.
«Ақта, – деп, – ел парызын мойныңдағы!» –
Тарихтың төрінен тұр қарап бізге!..

25.11.2007



Пікірлер (0)

Пікір қалдырыңыз

Жылжыған су астында сүңгуірдей

  • 0
  • 0

Жылжыған су астында сүңгуірдей,
Жүземін ой түбінде бір кідірмей.
Келемін тылсым дүние құшағында,
Керегім бірде ілініп, бірде ілінбей.

Толық

Күлтегіннің көктасы

  • 0
  • 0

Ұлы таулар, тебірен, жата бермей шалқалап,
Ұлы дала рухына басын иді шартарап.
Тәңірінің біздерге көктен түскен сыйындай,
Көктас көшіп келеді тарихымды арқалап.

Толық

Семейдегі сөз

  • 0
  • 0

Шақырған сауыққа да, сайранға да,
Дүние неге теріс айналды, аға?!
Әкенің қасиетін біле бермес
Шешенің уызына тойған бала.

Толық

Қарап көріңіз