Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Егінжай

Айтқали Нәріков‎

Егінжай

  • 27.11.2015
  • 0
  • 0
  • 1832
Егіннің ырыс сыйлар бай танабы,
Самалмен жайлап қана жайқалады.
Елестеп көз алдымда тay-тay астық,
Көңілім молшылықтан жай табады.
Қыр жолы бара жатыр жыраққа алып,
Егінжай барлық сырын тұр ақтарып.
Ақ бидай кабинаға үңіледі,
Асығыс сапар жайын «сұрап» қалып.
Егінжай жетелейді алға дәйім,
(Қашанда далама мен сай болайын).
Осынау байтақ байлық авторлары,
Диқандар, өздеріңнен айналайын!
Диқанның күні сынақ, айы сынақ,
Жүрелік егінінің жайын сұрап.
Ал қазір өсірген сол мол астықтан
Тұрғандай жердің белі қайысып-ақ.
Егінжай, тек егінжай, қайда қара,
Алтын дән, тек алтын дән ойда дара.
А қтілеу анамызды қуантайық,
Тезірек машинаңды айда, бала!

Егінжай Айтқали Нәріков‎ Айтқали Нәріков‎ өлеңдері

Пікірлер (0)

Пікір қалдырыңыз

Ұлыма

  • 0
  • 0

Көз жасына беріп өстім жастан мән,
Сен жылайсың, еркелігің асқаннан.
Жер тепкілеп отырғанмен, ұлым-ау,
Айды қалай алып берем аспаннан...

Толық

Дәрігер

  • 0
  • 0

Кей жырым шырқата алмай дәуір әнін,
Күн сайын қара терге малынамын.
Лауладай өлең оты бықсып жанса,
Мен соның «түтінінен» ауырамын.

Толық

Жыр келмесе...

  • 0
  • 0

Бір жұмбақ ой мазалап неше күннен,
Шаршап жүрмін, соны әсте шеше білмей.
Қаламымды қолыма ұстатқызды,
Жеті түнде жұлып aп төсегімнен.

Толық

Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер