Өлең, жыр, ақындар

Туған жер

  • 18.10.2021
  • 0
  • 0
  • 1543
Ахау, туған жер, анамдай сағындырған,
Ахау, туған жер, бабамдай табындырған.
Аңсадым, аңсадым –
Самал жел,
Саумал көл,
Сары бел, сені,
Көзімнің жасындай сағым жуған!

Қайырмасы:

Ахау, тулайды қаным сен деп,
Ахау, жырлайды жаным сен деп,
Туған жер, гүлжазира, уа, дариға!

Ахау, туған жер, төрлесем сауық құрған,
Ахау, туған жер, көрмесем зарықтырған.
Аңсадым, аңсадым –
Алтын жаз,
Аққу-қаз,
Ерке наз, сені,
Ауырсам дертімнен сауықтырған!

Қайырмасы.



Пікірлер (0)

Пікір қалдырыңыз

Су перісі, қайдасың?

  • 0
  • 0

Мына дерттің таба алмадым айласын,
Жүрегіме қалай уын жаймасын?
Адамзаттың баласынан үміт аз,
Арашала, Су перісі, қайдасың?!

Толық

Танабай

  • 0
  • 0

Арбамен құла дүзде қаңғып жүрген,
Арқада Танабайды әркім білген.
Мүгедек – екі аяғы тізеден жоқ,
Қарақшы, қашқын да емес ел бүлдірген.

Толық

Елбасы

  • 0
  • 0

Кісімін ата көрген, ана көрген,
Көтердім көптің жүгін шама келген.
Батасы Мұқағали қабыл болып,
Сөзіме қалың елім баға берген!

Толық