Ой, жаным...

Армандап қолың жетпес айдағыны,
Көңілге сала берме қайдағыны.

Қайырмасы:
Ой, жаным, қайда қалды ойнағың?
Қой, жаным, бола бермес ойдағың!

Қолыңды созғанменен айдағы жоқ,
Көңілдің баяғыдай қаймағы жоқ.

Қайырмасы.

Таңдайда махаббаттың қалған дәмі,
Қызығың сол-ақ екен жалғандағы.

Қайырмасы.

Қырдағы қызыл гүлдей құлпырғанмен,
Келе ме қайта айналып сылқым дәурен?

Қайырмасы.

---