Өлең, жыр, ақындар

Жайығым

  • 27.11.2015
  • 0
  • 0
  • 2160
Ешкімнен жасырмайтын уайымым бұл,
Бетіме бассаң да осы «айыбымды».
Кешірер мейірімі мол кәрі Атырау,
Сағынып жүрсем қазір Жайығымды.
Көктемде бір ерекше қайрат дарып,
Жататын толқындарың Айға «аттанып».
Арнаңнан аңтарылса адуын күш,
He мықтың жатушы еді жайрап қалып.
Жаз бен күз танытып бір сабырлылық,
Маңайды шулатпайсың дабыр қылып.
Айдының баяу ғана тербелетін,
Бір толқын бір толқынды сауырға ұрып.
Қыс келсе, ақ ұлпаға көмілесің,
Кәрілік - бір гұлама өмір иесі.
Сый етіп сағынышыңды жазғытұрым,
Арқырап Атырауға төгілесің.
Көрдім де тасқыныңды талаптандым,
(Жүруші ем мінезіңнің қалап бәрін).
Өзіңдей жомарт бола аламын ба,
Жайқалтқан шексіз егін танаптарын.
Мен үшін ыстықсың да, ұлысың да,
Тұра алман жүрегімнен жыр ұсынбай.
Еліне нәрін берген, барын берген,
Жайықтай болу керек дұрысында!



Пікірлер (0)

Пікір қалдырыңыз

Сенім

  • 0
  • 1

Бұл кезде таңым нұрлы, түнім Айлы,
Мөлдірмін хрустальдай-шыныдай бір.
Жыр жазып жүрмін қазір жасыл бақ пен
Балкөмей бұлбұлдардың үні жайлы.

Толық

Тебірену

  • 0
  • 0

Өмір қызық үміті, арманымен,
Жетелеуден тынбайды алға кілең.
Жігіттіктің семсерін жарға сүйеп,
Қырқылжың жас қырық кеп қалған білем.

Толық

Өзіңе

  • 0
  • 0

Жыр болып жүрегіме келіп кіріп,
Шығардың шырқау шыңға еліктіріп.
Қолыма пәк көңілмен ұстаттың-ау,
Тізгінін тағдырыңның сеніп тұрып.

Толық

Қарап көріңіз