Өлең, жыр, ақындар

Гагарин жайлы хикая

  • 03.11.2021
  • 0
  • 0
  • 564
«Гагарин ұшты!
Ғарышпен даңқы ұласты!» –
Деген сөзге Мырзағұл қарсыласты.
«Шайтан ісі, шіп­шикі өтірік», – деп
Молда көршім дес бермей талқыласты.
Дабыл қызды!
Олжас та жырға басты,
Ол да түзей алмады тыңдамасты.
Жезқазғанда ең үлкен дін иесі
Сармолдаға жеткіздім бұл таласты.
Сөредегі қопарды ол сан мұраны,
Тірі Абайдай кітапшыл сән құрады.
Оқып­оқып тіл қатты:
«Мырзағұлдар
Дінді осылай ұятқа қалдырады.
Сауаты аз молда ғой қазақтағы, –
Деді, – тағдыр сондайдан тазартпады.
Сөгіп қайтем,
Інішегім, дімкәс сөзін,
Шаңдай сілкіп тастай бер балақтағы.
Есер қораз мезгілсіз шақырады,
Ел не десін жетпесе ақыл нәрі?
Ғарышқа ұшу –
Алланың құдіреті,
Әлі талай қызыққа батырады.
Кітап сөзі құптайды, дұрыстайды,
Даналар да Платондай суыспайды.
Іші тарын адамның,
Жер бетіне
Келешекте қырқысып, сыйыспайды.
Мекен табу ғарыштан – талаптары,
Жұлдыз таңдап, көрсетер ғажапты әлі.
Тек адамзат тыныштық сақтаса екен,
Ынсап берсін!» – деп сөзін аяқтады.

22.04.2009



Пікірлер (0)

Пікір қалдырыңыз

Фазыл аға әулеті

  • 0
  • 0

Шарбақкөлмен көршідей біздің ауыл,
Кәрібжанов әулеті маған бауыр.
Фазыл аға – жанымның бір жалауы,
Жыр арнасам сүйсінді оған дәуір.

Толық

Кіндік қаның тамған жер

  • 0
  • 0

Көргенде Нанан ауылы зираттарын,
Жан толқып, көкірегімде жыр баптадым.
Мына жер ескі ауылдың жұрты десе,
Жаттадым құтты әңгіме тыңдап бәрін.

Толық

Қызылжар ескерткіш орнатты

  • 0
  • 0

Нар тұлға, еңсегей ер еді,
Металлург лауреат атанған.
Мейірбан мінезі кең еді,
Ерекше көрінген қатардан.

Толық

Қарап көріңіз

Пікірлер