Өлең, жыр, ақындар

Қайда барсам гүлдерді көрем сан қилы

  • 03.11.2021
  • 0
  • 0
  • 910
Қайда барсам гүлдерді көрем сан қилы,
Бәрінен де ауылымның иісі аңқиды.
Көл шетінде қос аққуға қарасам,
Баяғы біздей төс тақасып балқиды.
Күн төбемде барады жылжып биіктей,
Сұлу қыздың жылуы қоймас сүйінтпей.
Әудем сәтте бұлтқа оранып жоғалды,
Айдалада сағымға кірген киіктей.
Түн де келді.
Жүрегім қайта жырлады,
Тоғайда тоты әсем үні тынбады.
Қызық екен қызыл қайың ішінде
Естілгені қараторғай мұңлы әні.
Бәрі қызық сәті түскен сәлемнің,
Аңсарын таптым жүрекке керек бар емнің.
Сол дәрудің асылын табар сұратпай,
Біздің ауыл кіндігі екен әлемнің.



Пікірлер (0)

Пікір қалдырыңыз

Күмбірлейді домбыра

  • 0
  • 0

Күмбірлейді домбыра,
Қозғап Бетпақдаланы.
Басқа дыбыс жоқ, сірә,
Кәкімбек Салықов

Толық

«Қазақ елі» – ерен-ғайып мұнара

  • 0
  • 0

Зәулім­заңғар мұнара – ел айғағы,
Елорданы ерекше аралайды.
«Самұрық­-Ана» аспанға қанат жайса,
Ұшқан құс та бас иіп қарайлады.

Толық

Құрманғазы – кемеңгер

  • 0
  • 0

Құрманғазы – кемеңгер
Құлақ салшы «Сарыарқа» мен «Серперге»,
Дауыл күйлер ұран болып жетті елге.
Кәкімбек Салықов

Толық

Қарап көріңіз