Өлең, жыр, ақындар

Шексіздік

  • 03.11.2021
  • 0
  • 0
  • 1070
Мұнары шексіз
Тұманы кетпес даланың,
Қиялы шексіз
Зиялы туған дананың.
Шексіз жылдар ішінде біздер ұшқынбыз,
Жарысы шексіз
Ескі мен озық жаңаның.
Сұм қара жер,
Шексіздік сенің еккенің,
Адамды жұтып,
Еш тойымдық етпедің.
Қайғысы шексіз
Көзімен көрген ананың
Жалғыз ұлға аяусыз ажал жеткенін.
Шексіздік шебі,
Шалғайда елді аңсауда,
Түсінгендіктен
Сендім ғой көнбей шаршауға.
Жан жарыңмен сыйластыққа шек болмас,
Сүйеніш­серік қай қияға барсаң да.
Асыл ұстаз арманында шексіздік,
Алғыр шәкірт самғауында шексіздік.
Тіршілікте жас ұрпағың ардақтап,
Бірін­бірі жалғауында шексіздік.
Шексіз ой бар
Жырында біздің Абайдың,
Мұхиттай шексіз
Мұхтарға мұңлы қараймын.
Мағжан, Сәкен, Ілиясты атқандар,
Қиямет кешпес қылмысын шексіз санаймын.
Сүйемін шексіз Қыз Жібектің намысын,
Төлегенді күте­күте ары үшін.
Ғашық жүрек кексіздігі деп білем
Махаббат пен ғадауаттың жарысын.

05.01.2010



Пікірлер (0)

Пікір қалдырыңыз

Көбейді ауылдаспен кеңес бүгін

  • 0
  • 1

Көбейді ауылдаспен кеңес бүгін,
Байқадым сөзге сараң еместігін.
Әлі де даусы ашық, кейбір әнді
Кәкімбек Салықов

Толық

Әр күннің өз жүгі бар

  • 0
  • 0

Дүйсенбіде қауырт істер желеді,
Сейсенбіде бос сергелдең жеңеді.
Сәрсенбіде тағдыр барын береді,
Бейсенбіде жырға батқым келеді.

Толық

Дарабоз туған ер қазақ

  • 0
  • 0

Қазағымның тарихында сұр белең,
Тың игеру деген туды дүрбелең.
Сол жылдарда әйгі болды Тәшенов
«Тың өлкесін» Ресейге бермеген.

Толық