Кәкімбек Салықов

Өтер де кетер сұм жалған

Бұл бетте «Өтер де кетер сұм жалған» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

04.11.2021
0
0
1131

Өтер де кетер сұм жалған,
Басыңда мәңгі тұрмайды.
Көз жасы ішке бір тамған
Тұла бойды улайды.
Етпеймін ешбір жалыныш,
Тәлкекке салып өткенді.
Тарамыс біздің жанымыз,
Қымқуыт өмір өткерді.
Аңсатып әр таң арайын,
Тұлданып аштың буған зар.
Біз боламыз, ағайын,
Отыз екінші жылы туғандар.
Азабын шеккен азаптың,
Анамның есте зарлы үні.
Екі миллион өлген қазақтың
Біз боламыз қалдығы.
Мың сөніп, мың жанып ем,
Жалын боп өрге жетермін.
Көз жасына қанып ем,
Жыламай үнсіз өтермін.

15.08.2009.
Астана

Кәкімбек Салықов өтер де кетер сұм жалған Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар