Өлең, жыр, ақындар

Қалай ең, ұмыттым ба, таныс әуен

  • 06.11.2021
  • 0
  • 0
  • 632
Қалай ең, ұмыттым ба, таныс әуен,
Толқындай ырғағыңмен табысар ем.
Қалқысын көңіл аппақ шағаладай,
Ашылып қарсы алдымнан алыс әлем.
Есіме салшы соны, тылсым уақыт,
Жанымды жай таптырар сусындатып.
Кеудемнен кіші-гірім күн шығарып,
Көзімнен шуақ төгіп, күлсін бақыт.
Тербетіп толқын сазбен жер кемесін,
Биігім, биіктердің көр төбесін.
Өмірге бір-ақ рет мен еркелеп,
Бір рет өмір маған еркелесін.
Сүйіктім, сол әнді айтып келші маған,
Мұң болсаң, қуаныштай еншіме алам.
Көз жасым жүрегімнің, жапырағынан
Мөп-мөлдір таңғы шықтай тамшылаған.
Сен неге естілмейсің, сұлу әуен,
Сәулелі сырыңа бір жылынар ем.
Ішімнен қайталап сан қосар едім,
Көңілдің ұйтқып ескен жырына мен...



Пікірлер (0)

Пікір қалдырыңыз

Айхай, менің кең далам

  • 0
  • 0

Айхай, менің кең далам,
Жазылып қалды-ау құшағым.
Көңілді осынау толмаған,
Көміп бір кетті-ау күш, ағын.

Толық

Күн өкпелеп барады

  • 0
  • 0

Оралмай жүр тіліме көптен өлең,
Өлеңсіз жер, жаңғырып көктемеген.
Күн де батып барады көкжиекке
Тіршілікке сыңаймен өкпелеген.

Толық

Көрінсе біреу алыстан

  • 0
  • 0

Көрінсе біреу алыстан,
Өзің ғой деп дір етем.
Тағатымды тауысқан,
Лапылдаған бір от ең.

Толық