Өлең, жыр, ақындар

Заман

  • 27.11.2015
  • 0
  • 0
  • 3232
Мына заман алағай да, бұлағай,
Өтіп жатыр жағдайымды сұрамай.
Тірлік қамы тұралатып жүрсе де,
Көңілімнің бүгінде тұр Абай!
«Жазғаныннан теңге түссе бір сәрі,
Осы күпі кетіп тұр, - деп, - жыр сәні».
Өлең сөздің киесінен қорықпай,
«Ақылгөйлер» маған кейде ұрсады.
Жөн еді ғой маңдай термен келсе құт,
He берсе де, еңбекке сай берсе құп.
Олай емес, олай емес өмірде,
Жатыр бәрі басқа жолмен өлшеніп.
Шын зиялы ар-намысты келеді,
Іс тындырса, тындырады келелі.
Өлермендер өтімді боп тұр қазір,
Ойлыларға құдай қашан береді.
Болашаққа жолдап өлең, жолдап ән,
Күні-түні мен тынымсыз толғанам.
Сарқылмайды қаламымның қуаты,
Дем береді, дем береді сол маған!



Пікірлер (0)

Пікір қалдырыңыз

Осындай...

  • 0
  • 0

Көзді қазір қуантпайды далалық,
Жүрседағы баяғыша саналып.
Жердің түгін жылан жалап кеткендей,
Сол себептен қысы-жазы мал арық.

Толық

Күзгі көңіл

  • 0
  • 0

Қаратып үлгертпей-ақ жан-жағыма,
Тағы бір күздің келіп қалғаны ма?
Жылдарым дөңгеленіп өтіп жатыр,
Ұқсап қырдық жүйрік каңбағына.

Толық

Естелік

  • 0
  • 0

Көп жайлар бар көңілімді қозғаған...
Мұндай кезде әзіл жақсы аздаған.
Менің досым Аманкелді бір кезде,
Оралда қап, диктор бола жаздаған.

Толық

Қарап көріңіз