Өлең, жыр, ақындар

Қайтсем екен?.. Іздеп бір барсам ба екен

  • 06.11.2021
  • 0
  • 0
  • 679
Қайтсем екен?.. Іздеп бір барсам ба екен,
Бір көруді ол мендей аңсар ма екен?
Кездесуге, әйтеуір, себеп таппай,
Сары күздей санасы сарсаң ба екен?
Қайтсем екен, тезірек жетсем бе екен,
Бір көруді ол мендей көксер ме екен?
Жел шайқаған жүрегім жапырақтай
Тоңып тұр ғой, әйнегін шертсем бе екен?
Қайтсем екен, от болып жансам ба екен,
Тыныштығын беймезгіл алсам ба екен?
Көкірегін мекендеп көңіл құсым,
Мәңгі содан айнымай қалсам ба екен?
Қайтсем екен, япыр-ай, қайтсем екен,
Кездескенде мен оған не айтсам екен?
Осы болар тұйыққа тірелген жер,
Ойлардан бұл өршітпей, қайтсам ба екен?
Қайтсем екен, іздеп шын көрсем бе екен,
Өмір деген өтер тез, өлшеулі екен.
Тағдырымдай мойындап, қарсылықсыз
Дегеніне жүректің көнсем бе екен?



Пікірлер (0)

Пікір қалдырыңыз

Әйел көңілі, айт, қашан шағылыпты

  • 0
  • 0

Әйел көңілі, айт, қашан шағылыпты,
Әлдилеумен бар арман, бар үмітті.
Келген жәйлап, білдірмей, уақытпенен,
Мойындамай жүреді ол кәрілікті.

Толық

Мінезіңді құбылған пенде білмей

  • 0
  • 0

Мінезіңді құбылған пенде білмей,
Көңілің құм даланың шөлдеріндей.
Айтшы, жаным, көшеден көп ішінен
Күрсіндің бе, көзіңе мен көрінбей...

Толық

Қайда күндер? Бір түрлі тым-тырыспын

  • 0
  • 0

Қайда күндер? Бір түрлі тым-тырыспын.
Таратады кім келіп бұлтын іштің?
Жанға батып барады болмағаны
Бойымда бір шабытты бұлқыныстың.

Толық

Қарап көріңіз