Өлең, жыр, ақындар

Сағынышым сарғайған жат бағында

  • 06.11.2021
  • 0
  • 0
  • 763
Сағынышым сарғайған жат бағында,
Орануда бұл жаным от-жалынға.
Тым-тырыссың, әлде әлі көкірегіңнен
Бір жылылық сен маған таппадың ба?
Жаралған ем жанып тек сүюге мен,
(Не біледі сезбеген, күйінбеген?)
Қызық үшін қызып бір қыз алдында
Өр басыңды сыйлаймын иілмеген.
Жан бағымды бір дауыл осты менің,
Күткем сенен жанашыр, дос тілегін.
Сезе тұрып, түкті де сезбегенсіп,
Ести тұрып, даусымды естімедің...
Сағыныштан сарғайған айықпадым,
Жұртқа жырым жіберді жайып бәрін.
Сүйе тұрып, сүйікті бола алмаған
Мен өзімді сен үшін айыптадым.
Жыры бөлек, білемін, бұл тыныстың,
Күшін көрсен, іштегі бұлқыныстың.
Бір жылылық кеудеңнен маған деген
Таппадың ба, үнсізсің, тым-тырыссың!..



Пікірлер (0)

Пікір қалдырыңыз

О, көктем, келдім саған барымды алып

  • 0
  • 0

О, көктем, келдім саған барымды алып,
Өзің біл, өте шықсаң сағымданып.
Үміттің жиырма бесте жансам деген,
Отыз бес, бересің бе шамын жағып?

Толық

Сен мені сағындың ба?

  • 0
  • 0

Ағарып таң келе жатқанда,
Оңаша тіл қатып,
Толқып бір бақтарға.
Батып сәт жаның мұңға,

Толық

Жаңа жұлдыз, жаңа аспан, жаңа маңай

  • 0
  • 0

Жаңа жұлдыз, жаңа аспан, жаңа маңай,
Қалай келгем барлығын бағаламай.
Шуылдайды шалғындар шертіп бір күй,
Толқындармен ойнаған шағаладай.

Толық