Өлең, жыр, ақындар

Арман күйі

  • 07.11.2021
  • 0
  • 0
  • 630
Шертші тағы бір жанып, бір өшейін,
Сезімімді жеңе алмай күресейін.
Арман айлап - боздаған күй соңынан –
Бала ботаң болып мен ілесейін...
Көкейкесті сағыныш, өртеп үміт,
Көкірегімді саусағың шертеді іліп.
Дүние жалған айналып бір тамшыға,
Жанарымнан түскендей төңкеріліп.
Ақыл сана «сап», «сап» деп арада тұр,
Көзсіз сезім сүйрейді дара батыр.
Арман күйі жолсыз бір жапан-түзге,
Жіпсіз мені жетелеп бара жатыр...
Қарағанда көздерің шоқтай жанды,
Көбелек боп көңілім отты айналды.
Домбыраңды өтінем шертші тағы,
Бір пернеге саусағың жетпей қалды...
Арқамыздан түскендей ғаламат жүк,
Күй тілімен жалындап, алау аттық.
Көкейкесті сен шерткен көкейкескен –
Арманымды артайын аманат қып...



Пікірлер (0)

Пікір қалдырыңыз

Білсең, маған жел емес, дауыл керек

  • 0
  • 0

Білсең, маған жел емес, дауыл керек,
Дауыл ұлын тербетер тауым бөлеп.
Бағынбастан өзінше өмір сүрер,
Қоныстанып тәнімнен жаным бөлек.

Толық

Қайта оралған қазан

  • 0
  • 0

Алыс-жақын, аңдап, бағып аңысын,
Ата жауға қолдан бермей намысын.
Әке менің түзде жортып, түн қатқан,
Қара бала, қара қазан қамы үшін.

Толық

Түндер өтті елеспен, күндер өтті

  • 0
  • 0

Түндер өтті елеспен, күндер өтті,
Сеніп қалған іздеумен күлден отты.
Табиғаттың елігіп көктеміне,
Жайқалып бір көңілім гүлдемепті...

Толық

Қарап көріңіз

Пікірлер