Өлең, жыр, ақындар

Күн тұрғанда басымда

  • 07.11.2021
  • 0
  • 0
  • 385
Күн тұрғанда басымда,
Күн қадірін білмеппін.
Дос тұрғанда қасымда,
Дос қадірін білмеппін.
Бақ тұрғанда басымда,
Бақтың құнын білмеппін.
Білмей күліп жасымда,
Аты озғанды күндеппін.
Су тұрғанда алдымда,
Су қадірін білмеппін.
Сусындап үміт жаңбырға,
Жасарып, іштей гүлдеппін.
Жастық шақтың басымнан,
Тез өтерін білмеппін.
Таңның гүлі ашылған –
Көз екенін білмеппін.
Қайран менің мас күнім,
Қадірін кеш танытқан.
Төрге өте алмай жастығым,
Сығалайды жабықтан.
Барады уақыт қайда алып,
Күн батқанын білмеппін.
Бақыттан бас айналып,
Ажалға есік ілмеппін,
білмеппін...



Пікірлер (0)

Пікір қалдырыңыз

Қарасазға барғанда

  • 0
  • 0

Сәлем жолдап, тұнық көк, таңға жарық,
Бота бұлттар, барады аунап, ағып.
Өзіңді іздеп, аруақты ақын аға,
Қайтып келдім, даладан тауға барып.

Толық

Болашаққа берейін сөз кезегін

  • 0
  • 0

Бұл өмірден біреулер жерінеді,
Ерінеді, зерігіп, керіледі.
Кәрі дүние баланың көздеріне
Жаралғандай жаңадан көрінеді...

Толық

Өлмегенге мінеки, жаз да келді

  • 0
  • 0

Өлмегенге мінеки, жаз да келді,
Толтырып аққуменен қазға көлді.
Өлең менен өмірге ғашық көңіл,
Өтіп кетер мынау шақ, қозғал енді...

Толық

Қарап көріңіз

Басқа да жазбалар