Өлең, жыр, ақындар

Бақытты бола алмаспын қарызға алып

  • 07.11.2021
  • 0
  • 0
  • 569
Бақытты бола алмаспын қарызға алып,
(Бала едім, келе жатқан қауыз жарып)
«Кем болар не жазығым бар еді» деп,
Жылағам жұлдыздарға арызданып.
Сұрамай тағдырымнан өзге асылды,
Иемін табиғатқа боз басымды.
Сәулесі шағылысып жұлдыздардың,
Кептірген сүйіп жұлдыз көз жасымды.
Өмірге неге сонша, кеш келіп ем,
Ой теңіз, естім сезім ескегімен.
Айналып аспан жүзін көшіп еді –
Ақша бұлт арасынан көш-керуен...
Дедім мен, тіл қатамын қалай, барып,
Таппадым өң бе, түс пе, сәл ойланып.
Аспаннан әртүрлі адам қол бұлғады,
Таңданып жерде тұрған мені айналып.
Алдандым, содан бері жандарға көп,
Бұрғандай алыстағы арманға бет.
Қас-қағым суретке сол қарай бердім,
Жерде емес, «аспанда да ел бар ма деп».
Қарызбын, шаңды кешкен бұл шағыма,
Гүл-шағым ғашық еткен Күн шарына.
«Жұлдыздар» көз жасымды көріп менің,
Аспанның бір жұлдызын жұмсады ма?
Қайдасың?
Елік күнім, ерке күнім,
Ұшқандай құсқа мініп өр көңілім.
Қарызбын мен өзіңе бала қиял,
Сендірген ертеңіне ертегінің...



Пікірлер (0)

Пікір қалдырыңыз

Бұған дейін шыдадым, шыдап кеппін

  • 0
  • 0

Бұған дейін шыдадым, шыдап кеппін,
Жұлдызынан күн жасап құрап көктің.
Білесің бе, ей дүние! Мен өзіңнен,
Жылап келіп, келмейді жылап кеткім.

Толық

Балалық, сағынышты арман кезім

  • 0
  • 0

Балалық, сағынышты арман кезім,
Болмайтын есеп, қулық, жалған сезім.
Көп қарап күн өртеген көкжиекке
Анамның жолын күтіп талған көзім.

Толық

Өзім адам, адамсыз күн жоқ маған

  • 0
  • 0

Өзім адам, адамсыз күн жоқ маған,
Өмірімнің жүрегі онсыз соқпаған.
Сырты көктем, ішіне қыс орнатып,
Адам атын жамылғаннан сақтанам.

Толық

Қарап көріңіз