Өлең, жыр, ақындар

Болады бір жеңілісім, жеңісім

  • 08.11.2021
  • 0
  • 0
  • 550
Болады бір жеңілісім, жеңісім,
Өлең құсым араласын ел ішін.
«Қандай сыйлық алдың?» - деп сен сұрама,
Жарық күннен артық сый жоқ, мен үшін.
Баға қойып, мүмкін кінә тағарсың,
Өтірік күліп, өсек отын жағарсың.
«Қандай үйде тұрасың?» - деп сұрама,
«Азаттықтан» артық үй жоқ маған шын.
Періште емес, екі аяқты пендемін,
Пенделікпен, ғасырға аман келгемін.
«Жарың қандай, көрсетші?» деп өтінбе,
Сатып алған мүлкім емес, ол менің.
Машина ма? аңсамайды көңілім,
Ауыр жүк қып, алып жүрер мені кім?
Екі көзім ояу тұрған кезінде,
Ақсай басқан осы аяғым, көлігім...
Құлы емеспін, мансап пенен ақшаның,
Ақшасыз ақ үмітімнің жақ, шамын.
Отырғанда ұйқылы-ояу оңаша –
Өз ойыма өзім ие, патшамын!...



Пікірлер (0)

Пікір қалдырыңыз

Сыртта жаңбыр, іште мұң

  • 0
  • 0

Сыртта жаңбыр, іште мұң,
Әйнекті ұрып шертеді.
Шөлдеп, кеуіп ішкенім,
Өзегімді өртеді.

Толық

Өмірдің таңы, түсі, келер кеші

  • 0
  • 0

Өмірдің таңы, түсі, келер кеші,
Сүйікті болмасақ та ел еркесі.
Ой салып бауырындағы төбелерге,
Түседі биіктердің көлеңкесі.

Толық

Аспанның күні күліп, айы аунаған

  • 0
  • 0

Аспанның күні күліп, айы аунаған,
(Бергендей ата-бабам аян маған)
Мәңгіліктің о дүние, мекеніне
Барардағы бұл дүние, аялдаман...

Толық