Өлең, жыр, ақындар

Көктемгі жаңбыр, сағындым сені, шөлдедім

  • 08.11.2021
  • 0
  • 0
  • 826
Көктемгі жаңбыр, сағындым сені, шөлдедім,
Қалыпты қаңсып, жырға да толы шөлмегім.
Алғашқы жаңбыр бетіме келіп тигенде,
Жанғандай болды қуаныштан сөнгенім.
Қуанып жатыр құмарын басып кең далам,
Дегендей аспан, тамыры иіп, ем, балам.
Алақайлап қызым қолын соғады,
Бақшадағы өседі деп алмалар.
Жерім менің кимейді енді сұр көйлек,
Жүдемеймін, басыма жайсыз түрлі ой кеп.
Қуанып жатыр, елім менің, көктемгі –
Жаңбырды бұл, жаңбыр емес, нұр ғой деп.
Таңғы шықтай үмітпенен мөп-мөлдір,
Көз алдыма елес болып өткен күн.
Гүлдей шөлдеп күткен едім, алғашқы
Жыр жаңбырын, нұр жаңбырын көктемнің…
Таңғы шықтай үмітпенен келем мен,
Ізсіз күндер бар күндермен төленген.
Керегі не, айтшы, жаным, шатырдың,
Шомылайын, құйсын жаңбыр төбемнен.
Су болса үстім, кебеді өзі желменен,
(Бұлт емшегін нәресте ме ембеген!)
Көк көлдер-ай, шөлдеп саған, ауырсам,
Мен көктемнің жаңбырымен емделем.
Қалған түлеп жаңбырменен жерім шын,
Таңмен тұрған қыздай болып керілсін.
Аспанымнан жерге қарай жол тартып,
Ақ моншақтар көкірегіме өрілсін.



Пікірлер (0)

Пікір қалдырыңыз

Мен адамзат пендесінен түңілдім

  • 0
  • 0

Мен адамзат пендесінен түңілдім,
(Жан айнасы, жанарына үңілдім)
Қарасынан жылу таппай, сәулесіз –
Қап-қараңғы бір бұрышқа тығылдым.

Толық

Жан сырымды мазақ болдым желге айтып

  • 0
  • 0

Жан сырымды мазақ болдым желге айтып,
Жел желігіп кең далаға берді айтып.
Ғашық болу құпиясы жүректің
Құпиямды жұртқа жайғам мен қайтіп?..

Толық

Жарты дүние, жарты күн, жарты жаным

  • 0
  • 0

Жарты дүние, жарты күн, жарты жаным,
Құмға сіңген дариядай тартыламын.
Балапандай жүрекпен мен өзіңе
Таңғы алауға шомылып талпынамын.

Толық

Қарап көріңіз