Өлең, жыр, ақындар

Құдаға құрмет

  • 27.11.2015
  • 0
  • 0
  • 2214
Аты алысқа кеткен ауыл Сүйіндік,
Бүгін мұнда бас қосыпты дүйім жұрт.
Арада өскен азаматын ардақтап,
Жатыр екен бір тамаша жиын қып.
Елу жасқа әркім келер әрқалай,
Біреу келер, желік жыны тарқамай.
Рысқали, атағы қыз аспандап,
Сіз келдіңіз ел алғысын арқалай.
Баршылықта әркім мырза болады,
Төңірекке құптаушылар толады...
Мансап қумай, елде жүрген сіздей жан,
Таршылықта көмек қолын созады.
Ағымынан қалмай мына заманның,
Мүмкіндігін ашып барлық адамның.
Осы ауылға бала, әрі ағасыз,
Өзіңізді әмбебапқа баладым.
Тарқамасын бұл өмірдің базары,
Ел сыйлайды жүрек, жаны тазаны.
Отбасы мен бар әулеті аман боп,
Ашық болсын азаматтың ажары!



Пікірлер (0)

Пікір қалдырыңыз

Оян - өскен ауылым

  • 0
  • 1

Жалғандық жалқынына боялмаған,
Жайым бар тек шындықтап ой ақтаған.
Кіндігі жұмыр жердің сияқтанып,
Әрдайым көрінеді Оян маған.

Толық

Құлан едім...

  • 0
  • 0

Құлан едім құлдыраған далада,
Еркіндікке ерке көңіл қана ма?
Аяғыма тұсау түсер деген ой,
Еш уақытта кірген жоқ-ты санама.

Толық

Қос еңбеккер

  • 0
  • 0

Таң алды, жұрт ұйқыда, бұйығы маң,
Жүрекке тұр бір ғажап құйылып ән.
Ұялтып тастай ма деп келесі күн,
Отырмын түспей түннің иығынан.

Толық

Қарап көріңіз