Өлең, жыр, ақындар

Еліктерім

  • 08.11.2021
  • 0
  • 0
  • 636
Ләззат пенен
Ләзизам қос елігім,
Көзден ұшар бір кезде осы өмірің.
Ойнақтап сендер тату ойнасын деп,
Туған жерге шуағын төседі күн.
Өздеріңмен аспандап, төбем өсіп,
Өмірімнің ескегін келем есіп.
Сағат өтпей табысып, ойнайсыңдар,
Сәл нәрсеге қалсаңдар төбелесіп.
Бітірмедім ештеңе, япырмай, түк,
Бара жатыр желімнің беті қайтып.
Кішкентайы ем, біреудің мен де кеше,
Енді отырмын сендерге ақыл айтып.
Өткен күнге сендермен өкінбеймін,
Өмір атты сынбасын көпірлерің.
Қалып бара жатқандай өздеріңде,
Бар бояуым, жастығым, отым менің.
Ақ сәулесін аспанның еміп тегін,
Келеді екен бәріне еліктегің.
Араларың жазылмай, туған жерде
Ойнай берші, кішкентай еліктерім!



Пікірлер (0)

Пікір қалдырыңыз

Кешір, ана

  • 0
  • 0

Кімдер кетіп, бұл өмірге кім келеді,
Тірі жүрмін, өткеріп не күндерді.
Кешір мені, қайран ана, басыңа,
Құламайтын қоймаппын-ау бір белгі?

Толық

Жыр қаламым, жазараңды жазып қал

  • 0
  • 0

Жыр қаламым, жазараңды жазып қал,
Сезім деген солқылдаған нәзік тал.
Сапар шексем, көз жазбайын адаспай,
Арман атты сенімді алтын қазықтан.

Толық

Санаңа сыйлап бұл өмір сенім

  • 0
  • 0

Санаңа сыйлап бұл өмір сенім,
Бақытты болар күле білсе кім.
Оңаша сәтте мені ойлап бір,
Гүлдеді ме екен жүрегің сенің?..

Толық