Өлең, жыр, ақындар

Атыңа арнап сенің жыр жазамын

  • 08.11.2021
  • 0
  • 0
  • 776
Атыңа арнап сенің жыр жазамын,
Ұмытып тіршіліктің мүлде заңын.
Сарғайып самал желге мұңын шаққан,
Ұқсайды құрғақтағы гүлге жаным...
Ағысы уақыттың неткен өктем,
Көңілді желпімейді жеткен көктем.
Қолыңнан түскен гүлге жол үстінде,
Көз салып елемейді өткен-кеткен.
Тынамын бір сен деумен жанып іштен,
Тынамын арманыммен, жалынышпен.
Сен, бәлкім, бұл өмірде сезбейсің де,
Бір жанның жүдегенін сағынышпен.
Қойдың ғой сағымды оймен сабылдырып,
(Әйелге ұнау, о да бір – дарындылық).
Атыңа арнап сенің жыр жазамын,
Сезімді бір өзіңе табындырып.
Атыңа арнап сенің жыр жазамын,
Бұл көңілім құшып ызғар, бірде жалын.
Тірлікте көріп мені, көрмесең де –
Өзіңмен сездім соны бірге, жаным!..



Пікірлер (0)

Пікір қалдырыңыз

Адам – ағын, толқынды заман – арна

  • 0
  • 0

Адам – ағын, толқынды заман – арна,
Күн көтеріп уақыт барады алға.
Тізгін тартып, қайрылып қарамайды,
Үкім айтып үстінен қарағанға.

Толық

Іле бойында

  • 0
  • 0

Су бетінде күміс сәуле сырғанап,
Ай жанары маңдайынан бір қарап,
Бара жатыр сылқ-сылқ күліп қыз толқып,
Көкшіл шәйі орамалын бұлғалап.

Толық

Қол бұлғайды сынап қарап тау маған

  • 0
  • 0

Қол бұлғайды сынап қарап тау маған,
Таулар, таулар, орындарын даулаған.
Ақсақ Темір бола алмадым, дүниені –
Қылышпенен, ұрыспенен жаулаған...

Толық

Қарап көріңіз