Тым ертерек ағарса шашың, жарым

Тым ертерек ағарса шашың, жарым,
Мен оған кінәлімін, айыптымын.
Кеудеңдегі қызғаныш, ашуларың,
Сыртқа шықса сырларын жайып бүгін.
Айналып мықты күзет, тас қамалға,
Пәктікті аяулыңнан тілеп едің.
Шашың егер ағарса басқа жанға,
Менің жазған айыпты бір өлеңім.
Тым ертерек ағарса шашың, жарым,
Шыңдай жүріп бойыңда шыдамды әр күн,
Қап-қара маған деген ашуларың,
Ағарып сыртқа шыққан шығар бәлкім...

---