Өлең, жыр, ақындар

Адаммын екі аяқты, періште емен

  • 06.11.2021
  • 0
  • 0
  • 562
Адаммын екі аяқты, періште емен,
Кезім көп келісіп те, келіспеген.
Асырып айла-күшті қадам сайын,
Жүргем жоқ ие болып жеңіске мен.
Түс көрем елестерден, ояу жүріп,
Әлдилеп көңілімді аяулы үміт.
Жалт еткен сезім жырын ұстай алмай,
Барамын ақыл-ойға бой алдырып.
Жұлдызым жымыңдайды айна көктен,
Күрсінем күндерімді ойлап өткен.
Думанды, жәрмеңкелі сауық-сайран,
Япыр-ау, бүгін бәрі қайда кеткен?
Шыққандай сыртқа теуіп ызғар іштен
Қоштасқым келмейді әлі қыз намыспен.
Беймәлім көшедегі сұлуларға
Қарайтын сияқтымын қызғанышпен.
Білсем де ақиқатты ұраным деп,
Тұйыққа тірелгендей тұрамын көп.
«Мен қандай адаммын, – деп, – ей, адамдар
Тұрады өздеріңнен сұрағым кеп...
Тартады ойлар мені тереңіне,
Тереңнің таңсық едім дерегіне.
Арманым дүниеде болмас еді,
Өмірдің жарасам бір керегіне.
Керексіз өмір сүріп керегі не?..



Пікірлер (0)

Пікір қалдырыңыз

Арман жел, орман-шалғын иіріп қыр

  • 0
  • 0

Арман жел, орман-шалғын иіріп қыр,
Кешкі бұлт қанатына күй іліп тұр.
Аспандай күмбірлеген домбырадан
Жатқандай жер кеудеме құйылып сыр.

Толық

Өмірдің таңы, түсі, келер кеші

  • 0
  • 0

Өмірдің таңы, түсі, келер кеші,
Сүйікті болмасақ та ел еркесі.
Ой салып бауырындағы төбелерге,
Түседі биіктердің көлеңкесі.

Толық

Жұлдыздай қара түнді жарып жансам

  • 0
  • 0

Жұлдыздай қара түнді жарып жансам,
Ақылдың қуатымен қарулансам.
Тізеңе отырғызып сүйгеніңде,
Дертіне жүрегіңнің дару болсам.

Толық

Қарап көріңіз

Басқа да жазбалар