Тамшылар

Ақталып қашанғы арман, қашанғы үміт,
Көзіне сұлу қыздың жас алдырып.
Жығылмай көкке шаншып секіргенде,
Асауды үйретер тек асау жігіт.
* * *
Қорқақтарға өмір сүру қатер ғой,
Алға қарап аяқты ал да, көтер бой.
Арғымақтай зуылдаған уақыт,
Тоқта десең, тоқтамайды екен ғой...
* * *
Дүниеден өтті қырғын, сан бүлік,
Қиды өмірді қаншама оқтар қаңғырып.
Көкірегі аспан, көз жасынан ананың
Жаңбыр жауып тұратындай мәңгілік...
* * *
Бақытты ала алмаспын тиын беріп,
Достарсыз бара жатса күйім кеміп.
Жаным менің жапандай құлан жортқан,
Қойнауында ойнап жүр құйын келіп...
* * *
Көкірегіме тұнып қалып көз жасым,
Тым-тырыспын, ыңылдап бір ән салмай.
Жатыр біреу оңай тапқан олжасын
Күндіз-түні тауыса алмай..

---