Мен сені іздеп тапқанша көп адастым
- 0
- 0
Мен сені іздеп тапқанша көп адастым,
Күйін кешіп, ұрыншақ, шала мастың.
Бар еріктен айырып, оттай жанған,
Жүрегімді көкпар ғып ала қаштың.
Мен өмірде көп нәрсемді жоғалттым
Мен өмірде көп нәрсемді жоғалттым,Жас күнімді, мас күнімді баянды.
Жылағанмын бақытымды тонап түн,
Жылдарымды тоқтата алмай аяулы.
Жоғалттым көп ыстық жүрек достарды,
Бәлкім оған кінәлі өзім болармын.
Көкірегім талай рет бос қалды,
Талай рет асылымнан тоналдым.
Жоғалттым мен сағыныштың жолдарын,
Және – ұзақ, көзім талып күтуді.
Қызғанбаймын жақсылықтың ал, бәрін,
Ойлағандар есеппенен ұтуды...
Жоғалттым көп жылдарымды жазбай-ақ,
Дүниеге қараймын жәй қызықпай.
Ә, дегенше-ақ алдарқатып көз бояп,
Біздің бастан өтіп кеткен қызықтай...
Жоғалттым мен сүйгенімді теңеусіз,
Сол арқылы көп нәрсемді жоғалттым.
Содан кейін өтті өмірім елеусіз,
Ешкімге де келмей ешбір қол артқым.
Мен өзімше көріп бәрін сезіндім,
Бұл басымды дүние жеңбей, ой жеңді?
Көп жоғалттым, жоғалтпадым өзіңнің
Кеудемдегі күлімдеген бейнеңді.
Арым қинап түстім тірі отқа да,
Тілім шықты, тілін жалап жалынның.
Көп жоғалттым, жоғалтпадым тек қана
Сол баяғы нәзіктігін жанымның...
Пікірлер (0)
Пікір қалдырыңыз
Ана туралы баллада
- 0
- 0
Ана жүрек айналса ұлы тұлғаға,
Ана ішінде болар кейде түрлі ана.
Екі абысын тату өмір сүріпті,
Ортасында болған екен бір бала...
Тым ертерек ағарса шашың, жарым
- 0
- 0
Тым ертерек ағарса шашың, жарым,
Мен оған кінәлімін, айыптымын.
Кеудеңдегі қызғаныш, ашуларың,
Сыртқа шықса сырларын жайып бүгін.
Қарап көріңіз
Басқа да жазбалар
Пікірлер
-
Айша
өте жақсы екен -
Даулет
Өте керемет -
Ибраһим
Пах шіркін! Керемет!!!
- Альфред Адлер
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі