Тәуелсіздік

Болашақ ұрпақтардың қорғаны
Керей менен Жәнібектің арманы
Тарихымның айнымаған куәсі
Тәуелсіздік, жолымызды жалғады

91 - ден алған еді бастауын
Отыз жылым өткен екен қасқағым
Төл мерекең құтты болсын Қазақстан
Орда бұзар отыз жасқа толғаның

Өзге бәлкім, бізге мүлде сенген жоқ
Бізді, қалмақ,фашисттер де жеңген жоқ
Сан-соқпақты, қилы тағдыр жолында
Бұл азаттық бізге оңай келген жоқ

Қайран халқым жинай алмай есіңді
Төбемізде өңкей орыс есірді
-Елім,- деген,ұлтжанды қайраткерлер
Оққа ұшып, өлімге де кесілді

Егемендік енді тұрар ақида
Талай жасты аттандырған бақиға
Қорқынышты түсіме де айналған
Сол бір жылғы Желтоқсандық оқиға

Кеуде түгіл,оққа ұстадың бетіңді
Жылатты ғой жесір менен жетімді
Тәуелсіздік, сірә, қанмен жазылған
Тарихымның кіріспесі секілді

Тәуелсіздік шырқалсын әнің мәңгілік
Өзіңменен талай атар таң күліп
Ұлы далам менің туған жерімде
Тәуелсіздік тұрғай мәңгі жаңғырып

---