Баспалдағын түгел өттім өмірдің...

Ақтардың ба, төңкердің бе,
Өзің біл...
Көзден аққан топан селге
Көмілдім,
Бір құдырет көкжиекті
Көмкеріп,
Қайда барсам –
Өзің ғана көріндің!
Тұтас едім – сөгілдім,
Тұнық едім – төгілдім,
Тастай едім – үгілдім,
Шынардай ем – бүгілдім.
Алыстаған сәттеріңде
Өмірден де, өзімнен де
Түңілдім...
Алдадың ба, арбадың ба
Өзің біл...
Күн еңкейген сәтте неге
көріндің?
Баспалдағын түгел өттім
өмірдің, деп жүргенде...
Қайдан ғана көріндің,
кілтін бұзып көңілдің?!.

---