Өлең, жыр, ақындар

Тас дейміз-ау тасты біз...

  • 31.12.2021
  • 0
  • 0
  • 448
Тасқа жазу қалдырған
тарихымда бабалар...
Жеткізсін деп ұрпаққа,
күн туғанда саралар.
Түсінісе алмаған
кездерінде бір-бірін
«тастай қатты» дейді екен
Пенде шіркін табалап!
Бабалардың өшірмей,
Шеруінен ақ табан,
Мықшияды балбал тас
жазуларын сақтаған.
«Тастай қаштың кеше» деп,
тастай қатып жатпаған,
Ата-қоныс өз төрім,
Құшағыңды аш маған!
Самарқанның көк тасын,
балқытқанда науырыз,
Жауса өткінші сол сәтте,
тастайды екен жауын із.
Сіңіре алса әз шуақ,
қатты емес-ау, ол да онша
Түріктерді аман ап
Қалған дейді тас монша...
Тасты – тас деп мұқатпа!..
Арулардың мойнында
құлпырады көз тартып
Асыл, лағыл тас моншақ!
Қанша зергер тарихта
аты қалды тас қашап,
Өтпейтұғын пышаққа
дейді екен жұрт «тасқа шап»!



Пікірлер (0)

Пікір қалдырыңыз

Толқында тумағанмен, жағада ержеткендер

  • 0
  • 0

Толқында тумағанмен, жағада ержеткендер,
Сыңсыған аққу әні әлдилеп тербеткендер.
Інілер, аманбысың, армысың, ел деп келем,
Адамдық атын адал мақсатқа белгі еткендер.

Толық

Өзім мен сен

  • 0
  • 0

Менен жырақ бақида ғұмыр кешіп жатырсың
Жарықтығым, имандым, сенсіз өтіп жатыр күн.
Кімге аян әр күнім, ұғына алар кімді кім?
Өтіп жатыр өзіңсіз өгіз аяң тірлігім.

Толық

Тыныштық

  • 0
  • 0

Құлаққа ұрған танадай
Орнады келіп тыныштық!
Қыздарым кетіп барады
Жүрекке дәру, тым ыстық...

Толық

Қарап көріңіз