Өзім жайлы...

Боз жусан дала-анамның,
Иітіп төсін туғанмын,
Далиған дала етегін,
Жиектеп сағым қуғанмын.
Шартарап шарлап кезгенмін,
Құрсаулы өмірден безгенмін,
Еркіндіктің шын дәмін,
Азат ойлаудан сезгенмін.
Көкірегіме көз бердің,
Мен осылай өзгердім!
Шуақ боп келген шым-шымдап,
Сіңіруге нәрді сөз бердім.
Қамықпасқа қайғы ойлап,
Қолымнан келмес жәйді ойлап,
Жабырқамауға сөз бердім,
Дәл осылай өзгердім!

---