Өлең, жыр, ақындар

Кербез кеш мамырлап кеп...

  • 31.12.2021
  • 0
  • 0
  • 486
Бүр жарып бұта гүлдеген
көгілдір көктем еді,
бір шуақ ақша бұлттың
бетінен өппек еді...
Қызарып, күн кірпігін
көтермей, төмен қарап,
қымсынған кешкі керім
көріністі тамашалап,
қиялға батқан кезім.
Осы кез – қас-қағым сәт,
барлаушы көңіл үшін,
өлшесек уақытпен – кешкіғұрым.
Әнші құс нәзік талдың білегін талдырған сәт...
Кербез кеш мамырлап кеп,
шымылдық ысырған сәт,
ымырттың уыз қылық мысы басып
құштарлық ақ кептерін ұшырған сәт.
Тал мүсін қыздың белі қыналған шақ,
Бейкүнә періштелік сыналған сәт.
Пәк сезім құмарлықпен арбасқан сәт.
Ып-ыстық алақандар
буынсыз биші болып бұралған сәт.
Сананы діріл билеп,
батылдық ымдаған сәт,
бір-бірлеп жұлдыз сөніп,
әлсіз жарық бәлсініп бұлданған сәт...
...Жұлдыздар тұра қашып,
жауһар шық шашылған сәт.
Патшасы көк жүзінің Күн оянып,
зер сала төңіректі зерделеп бір шолған сәт...



Пікірлер (0)

Пікір қалдырыңыз

Неге ұлиды

  • 0
  • 0

Бөрі дейді, қасқыр дейді, жыртқыш дейді,
Жан-жақтан күстәналап түрткіштейді.
Жаратқан бір тағының түрін солай
жаратса, жүре берсін жыртқыш мейлі!

Толық

Қарға туралы

  • 0
  • 0

«Қарғыс алып, қарайып, қара түске боялған...»
Оқығанда бұ жолды көңіліме ой алғам.
Содан бері қар жауса, жапалақтап,
Ақ әлем...

Толық

Өң мен түс

  • 0
  • 0

Биікте тұрмын таң алды,
Тыныштық, ұйқы тоналды,
Құзырына бағын, әмірдің
Тыныштық сенің неңді алды,

Толық

Қарап көріңіз