Өлең, жыр, ақындар

Жанартауым бар алда...

  • 31.12.2021
  • 0
  • 0
  • 520
Сенем бұған – жанар бағым бар алда,
Бүгін жас боп үйірілген мұңдарым
Қуаныш боп тұрар ертең жанарда,
Жанар бағым, сенем соған – бар алда!
Менің талай атар таңым бар алда,
Шаттық үшін мен өмірге жаралғам!
«Бітті, болды» деп жүргендер, кешіңдер
Жанартауым атылатын бар алда!
Менің әлі жанар бағым бар алда,
Қалғаным жоқ елсіз, күнсіз аралда.
Шапағатын бір тәңірім түсірсе,
Жетер деп біл маған, саған, оған да!
Менің әлі жанар бағым бар алда...
Менің талай атар таңым бар алда...
«Сүріндірдік» деп жүргендер, кешіңдер
Жалын болып лапылдауға жаралғам!



Пікірлер (0)

Пікір қалдырыңыз

Ана тілдің өгей ұлдарына

  • 0
  • 0

Ана тілдің өгей ұлы, көпсіңдер
Жер айырылып кетер топас екпіннен!
Ана тілді менсінбеген мәңгүрттер,
Қу дүниені кеткен куып, жан күйттеп.

Толық

Әсерлер әсер ете алмай

  • 0
  • 0

Әсерлер әсер ете алмай,
Сүлесоқ жүрмін, сүлесоқ,
Жазғырғың келсе, өзің біл,
Жазықты десең, дүре соқ!

Толық

Көктем белгісі

  • 0
  • 0

Тұла бойы сүңгі мұздан сіресіп,
Селт етпестен қыс қабағын күзетіп
Тұрған дырау бәйтеректің бұтағы
Елең еттім көз алдымда дір-рр етіп!

Толық

Қарап көріңіз