Шын махаббат – тәңір сый-сыбағасы

Шын махаббат – тәңір сый-сыбағасы
Пайғамбардан басталған әдеп басы.
Адам ата дұға етіп сұрап алған
Адамзаттың деседі, Хауа анасын!
Махаббатсыз өмірді – өмір деме,
Адам келген өмірге өмір себе!
Махаббатсыз жұптасса екі дара,
Жүректерге қадалар темір жебе!
Шын махаббат – дертіңнің дауасы, біл
Махаббатсыз құр босқа таласып жүр.
Татулықтың кісіден кілтін сұрап,
Сыйласа алмай, сандалып, бал ашып жүр!
Бірін-бірі қимайтын іңкәр жандар
Жүректері табысып жұпталғандар.
Сергігендер жандары уайымнан,
Сыйға алғандар сыбаға құдайынан...

---