Амансың ба, мен бармаған тау беті

Бұл бетте «Амансың ба, мен бармаған тау беті» атты Шәмшия Жұбатова жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 13.01.2022
  • 0
  • 0
  • 729
Амансың ба, мен бармаған тау беті,
Амансың ба, диуана күн әулекі.
Қош бол сен де, жайлы тұрмыс, жайлы өмір,
Шулап қалған надандықтың әулеті!
Амансың ба, ізеті мол сарғыш таң,
Армандарым, аманбысың ән құшқан.
Жұдырықтай бозторғай қып аспанға
Жүрегімді ұшырайын ән қысқан.
Қош бол сен де, ақылдылар арттағы,
Қош бол, өмір, бұзылмайтын шарттары.
Жаса мәңгі, ақылсыздық, ессіздік,
Керуеніңе мені қосып тарт, кәні!
Жел ұшады шаштарымды жұлмалап,
Шаш астында ақылым бар мың қадақ.
Қобыраған жел қанатын жайды да,
Ұшып кетті жүрегіме мұң қадап.
Амансың ба, жадау тұрмыс, кедей күн,
Өмір-ана, бүгін саған өгеймін.
Қош бол жұмсақ, мүлгіп тұрған тыныштық,
Жайлы өмірім, сен қайдасың демейін.
Жер бетінің жылысы мен жұмсағы,
Есептесең, шықпайтұғын бір саны.
Көңілімді қобалжытып қойғаны
Күптіліктің толмайтұғын құрсағы.


Пікірлер (0)

Пікір қалдырыңыз

Жиі қойылатын сұрақтар

Амансың ба, мен бармаған тау беті өлеңінің авторы кім?

Шәмшия Жұбатова — осы өлеңнің авторы.

Амансың ба, мен бармаған тау беті өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Амансың ба, мен бармаған тау беті өлеңі не туралы?

Бұл шығарма табиғат туралы өлең ретінде танымал. Өлеңде автор өз ойын көркем түрде жеткізеді.

Амансың ба, мен бармаған тау беті өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері