Алматым

Алматым қымбатсың сен маған,
Мен сені қадірлеймін әрқашан.
Жастық шақ қызығым сенде өтті,
Кәрілікті де күтемін өзіңменен мен алдан.

Сүйіктісі миллионның десем де болады,
Өзіңменен кімдер бірге болмады?
Атақты мен данышпандар өзіңнен,
Қанаттанып көкте ұшып самғады.
Көркемдігің, әсемдігің әрбір жанның жүрегінен
ұмытпастай орын алады.
Әлем таныған Алматым бүгінгі мен кешегің ,
Мәңгі есте тарихтың қойнауында қалады.
Жүрегіміз ауырып, бір серпіліп тарады.
Әйтседе, қорқыныш пен үрей де бар әлі,
Ойлаймын барлық уайым да басылады.
Тек қана жүрек жарасы мәңгілікке қалады.

Алматым халқымның тірегі,
Сен де ғой болашағы, үміті-тілегі.
Мақтанышым, берекем, сұлу қалам,
Десем артық болмас Отанымның жүрегі,
Бәрі де жақсы боларын жүрегімде сезеді,
Жасай бер әсем қалам сен мәңгі!