Өлең, жыр, ақындар

Ағаларым

  • 17.01.2022
  • 0
  • 0
  • 1680
Өтеген мен Аманкелдіге

Болып еңдер екеуің – қос қанатым,
Сендер барда
Көңілім хош болатын.
Көтердіңдер жоғары қарындасты,
Жыр-бәйгеге жаратып қосқан атын.
Өздеріңе сүйеніп қанат қақтым,
Қайран, менің қос ағам,
Жаны аппақ тым...
Сендер барда
Айрықша арқаланып,
Абыройлы ақын болуға жарап бақтым.
Сендер барда – ерекше еркеледім,
Сендер барда – көңілім көркем еді.
Өздеріңнен айырылып қапияда
Өкініштен өзегім өртенеді...
Ажал жетсе, жан беру қиын ба,
Алла-ай!
Қос қанатым
Бір демде қиылғаны-ай!
Орындарың бос қалды опырайып,
Қанатым жоқ,
Ұшуым қиындады-ай!
Бәйтерегім едіңдер,
Сая бағым...
Бөлінбейтін ешқашан араларың.
Бақиға да кеттіңдер бірге көшіп,
Бауырларым, қамкөңіл ағаларым.
Салғанына тағдырдың бағынамын,
Тура жеткен ажалға неғыламын?
Ет-бауырым езіліп бұл күндері
Сағынамын сендерді, сағынамын!

1996 жыл



Пікірлер (0)

Пікір қалдырыңыз

Ақын

  • 0
  • 0

Томағасын сыпырған,
Қиял құсын ұшырған.
Тас емшегін идіріп,
Сүт шығарған қысырдан.

Толық

Нәзік ән

  • 0
  • 0

Қан тамырдай тұла бойға таралған,
Ән-күйден ел сусындаған, нәр алған.
Үмітіңді жалғайтын ақ таңдарға,
Өнер күшін бағаламас жан бар ма,

Толық

Курстастар, қайдасыңдар?

  • 0
  • 0

Курстастар!
Бұл күнде қайдасыңдар?
Қай ауылда,
Қай мекен-жайдасыңдар?

Толық

Қарап көріңіз