Қатира Жәленова

Нені ойладың?

Бұл бетте «Нені ойладың?» атты Қатира Жәленова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.01.2022
0
0
1108

Досым-ау,
Нені ойға алдың?
Мұңды бір күйді толғадың.
Жүректі шым-шым ауыртып
Қой десем қояр болмадың,
Досым-ау,
Нені ойға алдың?
Шеріңді қозғап бұрынғы,
Сағындың ба екен бір үнді?
Ақтарып жатсың сен неге
Пернеге тұнған сырыңды?
Мұңымды менің сезін деп,
Мендегі күйге егіл деп.
Ақтарылатын кезің кеп,
Домбыраң кетті безілдеп...
Қойды ма кетпей есіңнен,
Үмітің қайран, кесілген.
Баянсыз өткен махаббат,
Бұйырмай кеткен несібең,
Қойды ма кетпей есіңнен?..
Еске алып бүгін қайдағы
Қым-қиғаш өткен жайларды,
Несіне мұнша жабықтың,
Көздерің – соның айғағы.
Қой, досым,
Бұлай егілме,
Жаз орнат жарқын көңілге!
Басыңнан тайған
Бақ құсың
Айналып соғар, тегінде...
Қой, досым,
Бұлай егілме!

Қатира Жәленова нені ойладың? Қатира Жәленова өлеңдері

Пікірлер (0)

Пікір қалдырыңыз

Жиі қойылатын сұрақтар