Қатира Жәленова

Куәгер сөзі

Бұл бетте «Куәгер сөзі» атты Қатира Жәленова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.01.2022
0
0
894

Мен куәлікке жүремін!
Жаңа отаудың
Босағасы берік болады деп,
Шаңырағына
Бақ құсы келіп қонады деп.
Бір-бірлеріне
Тағдырын аманат қылып,
Адал жар
Айнымас серік болады деп.
Мен куәлікке жүремін!
Өздеріне артқан
Сенімді ақтайды деп,
Ар-ұждандарын
Алтынға сатпайды деп.
Үлкенге ізет,
Кішіге қамқорлық жасап,
Халқымның
Асыл дәстүрін сақтайды деп.
Мен куәлікке жүремін!
Ынтымақ құрып,
Жарасым табады деп,
Бақ жұлдыздары
Жарқырап жанады деп.
Махаббаттары
Мәңгілік боп қалады деп,
Болашаққа да
Жұп жазбай барады деп.

Қатира Жәленова куәгер сөзі Қатира Жәленова өлеңдері

Пікірлер (0)

Пікір қалдырыңыз

Жиі қойылатын сұрақтар