Өлең, жыр, ақындар

Сезім гүлі

  • 17.01.2022
  • 0
  • 0
  • 845
Көк аспан тұруы үшін
Жер қандай керек болса,
Бұлттардың ығуы үшін
Жел қандай керек болса,
Мәңгі қар жатуы үшін
Шың қандай керек болса,
Ақ таңдар атуы үшін
Күн қандай керек болса,
Маған да керектігін
Сөнбейтін махаббаттың бір!
Ұғуың керек, күнім,
Төгетін шапағат-нұрын...
Көктейді ол мәңгілікке
Өміршең жүрегімде бұл.
Суғарам нәрлі үмітпен
Мағыналы сүремін де өмір...
Шұғылалы сезімдердің
Бөленіп шапағатына,
Толғанған кезімде кіл,
Тарылма, махаббатыма!
Ол барда жыр жазуға
Артады құштарлығым мың.
Қауіп қой қызғану да,
Керек-ақ ұстамдылығың.
Өрілсе жырым керім
Сезімнің абат бағымен,
Жебейді пірім менің
Көгілдір қанаттарымен!



Пікірлер (0)

Пікір қалдырыңыз

Жаңашыл әкім

  • 0
  • 0

Жұртыңа бұрып бүйрегің,
Үміттің шоғын үрледің.
Кенжелеп қалған бар істі
Екпіндеп өрге сүйредің.

Толық

Сенің әнің

  • 0
  • 0

Оралмай жүрген жазым ең,
Таба алмай жүрген сазым ең.
Жолықтың маған ғайыптан,
Бұлбұлым жарқын наз үнмен.

Толық

Мен сенің бақытыңмын

  • 0
  • 0

Бірге өзіңмен
Қарсы алып ерте күнді,
Бүгінді емес,
Ойлайтын ертеңіңді.

Толық

Қарап көріңіз