Өлең, жыр, ақындар

Мен сенің бақытыңмын

  • 17.01.2022
  • 0
  • 0
  • 609
Бірге өзіңмен
Қарсы алып ерте күнді,
Бүгінді емес,
Ойлайтын ертеңіңді.
Керек саған
Адал да, сенімді жар,
Сол адамың мен болам
Ең сенімді.
Мен болармын
Сен үшін ең сұлу қыз,
Табиғаттан
Алармыз еншіні біз.
Гауһар жұлдыз,
Алтын Ай,
Сиқырлы әлем,
Тек қана екеуіміздің меншігіміз.
Ертегі - әлем күтеді
Сені...
Мені...
Бір ғажайып
Сәуле-нұр төгіледі.
Екеуімізге
Бақыттан басы айналған,
Айналаның бәрі әсем көрінеді.
Таңғажайып сезіммен төгіле мен,
Қауышамын ертегі еліменен...
Бұл өмірдің
Сезермін тәттілігін,
Сеніменен...
Тек қана сеніменен!
Таңғажайып сезіммен төгіле мен
Қауыштырам ертегі еліменен...
Бұл өмірдің сезерсің
Тәттілігін,
Меніменен...
Тек қана меніменен!



Пікірлер (0)

Пікір қалдырыңыз

Жаз өтті

  • 0
  • 0

Шық болып аунап,
Қайыңның жапырағында,
Көк болып қаулап,
Туған жер атырабында.

Толық

Жеттің, апа...

  • 0
  • 0

Жай тапқызбай
Мазалап жаныңды шын,
Сені тартқан қалаға
Сағынышың...

Толық

Туған тілім

  • 0
  • 0

Өткен ғасыр,
Өткен өмір
Боп сұрақ,
Өзмізше сыр шертеміз

Толық

Қарап көріңіз