Дұрыс айтасың!

Дұрыс айтасың!
«Күрделі адаммын» мен деген...
Махаббат аңсап,
Сұлу музаға шөлдеген.
Қарсы алып қанша
Тағдырдың соққан дауылын,
Кездерім болды
Сөне де жаздап сөнбеген...
Дұрыс айтасың!
«Күрделі адаммын» мен деген...
Жаралы жанын
Жырымен жазып емдеген.
Мақсатым биік,
Жетемін бе, әлде жетпеймін?
Сүрініп талай
Өле де жаздап, өлмегем...
Дұрыс айтасың!
«Күрделі адаммын» мен деген...
Өтірік сүйіп,
Өтірік күліп көрмеген.
Өзімді сүйген
Жүректен де іздеп тазалық,
Өлердей болып
Таза сезімге шөлдегем...
Жасандылыққа еш көнбеген,
Осындай жанмын мен деген!

---