Өлең, жыр, ақындар

Темір жолда

  • 28.01.2022
  • 0
  • 0
  • 724
(аударма)

Мария Павловна Ивановаға

Көгалда, жолдың қасында,
Жатыр ол тірі жанға ұсап,
Алқызыл шарқат басында,
Көрікті мүсін, бал құшақ.
Бір мін жоқ бойда, көркінде,
Жүретін кеше асқақ тым.
Күтетін толқып ол күнде
Келуін әрбір составтың.
Сезімге тұнған қос жанар –
Қас арулардан несі кем?!
Жолаушы, мүмкін, көз салар
Вагонның терезесінен...
Жасыл, көк, сары вагондар
өтеді сарнап ән салып,
Телміріп сансыз жанарлар
Қарайтын бұған тамсанып.
Әйнектен көзін салатын
Жүргіндер алаң, жылғаға,
Ұзатып бәрін қалатын
Жандарм менен бұл ғана.
Жолаушы-гусар тек бірде
Қадалған көзден нұры ұшып,
Сөйткенше поезд кетті де
Жөнеді көзден бір ұшып.
Осылай өткен мас күндер,
Шаршатып жанын бос арман,
Жүрегін осып жас түндер,
Кездеспей серік-дос алдан.
Шаршады-ау талай өзі де,
(Тағдыр-ай, мұнша сараң ба ең?!)
Вагонның жансыз көзіне
Үмітпен күнде қараумен...
Келмендер енді жөн сұрап,
Сендерге бәрібір әлі.
Сезімнен, жолдан қансырап,
Тапталды, жалғыз құлады...

АЛЕКСАНДР БЛОК



Пікірлер (0)

Пікір қалдырыңыз

Дәркембайдың Абайға шағынуы

  • 0
  • 0

Мынау заман, Абай-ау, неткен заман,
адалдықты маңдайға тепкен заман.
Кедей-кепшік тентіреп тірлік кешіп,
біздің елден береке кеткен заман.

Толық

Дос көңілі

  • 0
  • 0

Түк емес шарбы бұлттай даңқым, жебем,
сен менің болат бауыр алтын кемем.
Дүниеде түсінетін өзің ғана
мені бар жақсы-жаман қалпымменен.

Толық

Сағындым, аға, сізді

  • 0
  • 0

Ардақты әке, асыл жар жанұяға,
сіздей адам болса ғой әр ұяда…
Біз қиналсақ, "қарағым" деуші едіңіз,
жүрмін Сізді сағынып, Әди аға!

Толық

Қарап көріңіз

Басқа да жазбалар