Өлең, жыр, ақындар

Кейбір ісім дұрыс та емес шығар

  • 23.02.2022
  • 0
  • 0
  • 1888
Кейбір ісім дұрыс та емес шығар,
қылығым да көрінер егесқұмар.
Қайткенде де қанымда жоқ нәрсені
істеймін деп жайым жоқ кеңес құрар.
Сырығындай сыңарсыз көктеректің
қақиюмен көп жанды өкпелеттім.
Жаман көрсем – жасырмай, пайдам үшін
жоғымды бар, барымды жоқ демеппін.
Өкпелеткен шығармын жақсыны да,
мүмкін содан шықпадым бақ шыңына.
Жақсы болып көріну – мақсат емес,
ар аттамау – мен үшін басты мұра.
Жүргеніммен тайсалмай, асқақ ірең,
өмірде тек арымнан жасқанып ем.
Талпынбадым тақтарға, тыңдамадым
жүрегімнің үнінен басқаны мен.
Көзімді арбап алдағы арман-ағын,
тастарына соғылдым жар-жағаның.
Жүрек кейде жаңсақтау басқан шығар,
жүрегімді мен бірақ алдамадым.
Ішек-сілемді қатырып күле білдім,
қорсылдамай жыласам шын егілдім.
Қылмысым да бар шығар, ақпын бірақ
мен алдында арым мен жүрегімнің.
1988



Пікірлер (0)

Пікір қалдырыңыз

Бұлай сүймейді, жарықтығым

  • 0
  • 0

Бұлай сүймейді, жарықтығым,
сезім емес есті алар - анық мұның.
Сенен көзді жұмғызып тамсандырар
еш ләззат қалған жоқ. Қалыпты мұң.

Толық

Бұлбұл әні

  • 0
  • 0

Құс әніне елең етіп құлағы,
бір жас бала қариядан сұрады:
«Ата, неге бұлбұл үні тек қана
көктемеде шығады»?

Толық

Жатыр ем үйде сызбай мен

  • 0
  • 0

Жатыр ем үйде сызбай мен,
салқындап аяқ-қолдарым.
Кеткендей әлім. Мұздай дем.
Еңкейгені ме жорға – күн?..

Толық